Praga é unha das cidades máis fermosas de Europa. Amosa unha espléndida arquitectura con edificios antigos e ben coñecidos coma a Ponte de Carlos, Praza da Cidade Vella, Castelo de Praga, etc. Para disfrutar desta fermosa cidade non hai nada mellor que pasear por ela, invita á reflexión, sendo ademais moi cosmopolita e de grande actividade cultural, musical e de intercambio cos visitantes. É patrimonio cultural da UNESCO desde o ano 1992.
Percorremos lugares de interese especial como o Castelo de Praga no barrio de Hradčany, o Barrio Pequeno en Malá Strana, Stare Město (Barrio Antigo); o inesquecible e impresionante por todo o que signficou para quen o viviu na súa época, Josefov (Barrio Xudeu) e o Nové Město.
Na nosa memoria visual e auditiva quedaron aqueles músicos, aquelas agrupacións, e pintores que daban vida a calquera lugar por onde paseabamos, aquela Torre do Reloxo que congregaba a tanta xente desexando ver o minuto impactante que marca as horas en punto; en definitiva todo un acervo cultural, de convivencia e coñecemento que aínda hoxe perdura.
A mellor mostra de todo isto é a documentación gráfica das nosas lembranzas.
Aí vai!
Podemos ver unha mostra das famosas portas de Praga no seguinte enlace: Portas de Praga